HIGHER SECONDARY HALL TICKET DECLARED
GSEB ધોરણ-12 (સામાન્ય પ્રવાહ) હોલ ટિકિટ ફેબ્રુઆરી-2026 જાહેર
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ, ગાંધીનગર દ્વારા ધોરણ-12 (સામાન્ય પ્રવાહ, ઉ.ઉ.બુનિયાદી પ્રવાહ, વ્યવસાયલક્ષી પ્રવાહ અને સંસ્કૃત મધ્યમા) ના વિદ્યાર્થીઓ માટે ફેબ્રુઆરી-2026 માં લેવાનારી જાહેર પરીક્ષાની હોલ ટિકિટ (પ્રવેશપત્ર) અંગે મહત્વની જાહેરાત કરવામાં આવી છે.
મહત્વની તારીખો:
- હોલ ટિકિટ ડાઉનલોડ શરૂ: તા. 17/02/2026 (બપોરે 03:00 કલાકથી)
- પરીક્ષા શરૂ થવાની તારીખ: તા. 26/02/2026
હોલ ટિકિટ ક્યાંથી ડાઉનલોડ કરવી?
શાળાઓ બોર્ડની નીચે મુજબની વેબસાઇટ પરથી શાળાના ઇન્ડેક્સ નંબર અને રજીસ્ટર્ડ મોબાઈલ નંબર અથવા ઈ-મેઈલ આઈડી દ્વારા લોગીન કરીને હોલ ટિકિટ ડાઉનલોડ કરી શકશે:
શાળાઓ અને વિદ્યાર્થીઓ માટે ખાસ સૂચનાઓ:
- પ્રિન્ટ અને ચકાસણી: શાળાએ હોલ ટિકિટની પ્રિન્ટ કાઢીને તેમાં દર્શાવેલ વિષયો અને માધ્યમની ચકાસણી આવેદનપત્ર મુજબ કરી લેવી.
- ફોટો અને સહી: હોલ ટિકિટમાં નિયત જગ્યાએ પરીક્ષાર્થીનો ફોટો ચોંટાડી, પરીક્ષાર્થીની સહી, વર્ગ શિક્ષકની સહી તેમજ આચાર્યશ્રીના સહી-સિક્કા (અડધી સહી ફોટા પર અને અડધી બહાર આવે તે રીતે) કરવાના રહેશે.
- પરીક્ષાની સૂચનાઓ: હોલ ટિકિટના પાછળના ભાગે ધોરણ-12 સામાન્ય પ્રવાહની સૂચનાઓ (નં. 1 થી 23) પ્રિન્ટ કરીને વિદ્યાર્થી અને આચાર્યની સહી સાથે આપવાની રહેશે.
- ભૂલ સુધારણા: જો વિષયો કે અન્ય કોઈ વિગતમાં વિસંગતતા જણાય, તો બોર્ડની ગાંધીનગર ખાતેની કચેરી (સામાન્ય પ્રવાહ ક-1 શાખા) નો સંપર્ક કરવો.
શિક્ષકો માટે એસેસમેન્ટ ઓર્ડર (Assessment Order) અંગે:
ફેબ્રુઆરી-2026 ની પરીક્ષાના મધ્યસ્થ મૂલ્યાંકન કેન્દ્ર પરના શિક્ષકોના નિમણૂકપત્ર (Assessment Order) પણ હોલ ટિકિટ સાથે ઓનલાઇન મોકલી આપવામાં આવ્યા છે. શાળાઓએ તે ડાઉનલોડ કરી સંબંધિત શિક્ષકોને જાણ કરવાની રહેશે.