PSI CALL LETTER DOWNLOAD START
ગુજરાત પોલીસ ભરતી બોર્ડ (GPRB) દ્વારા લેવાનાર PSI (પોલીસ સબ ઇન્સ્પેક્ટર) ની પરીક્ષા માટેના કોલ લેટર ડાઉનલોડ થવાનું શરૂ થઈ ગયું છે. જે ઉમેદવારોએ આ ભરતી માટે અરજી કરી હતી, તેઓ હવે સત્તાવાર વેબસાઈટ OJAS પર જઈને પોતાનો કોલ લેટર સરળતાથી ડાઉનલોડ કરી શકે છે. લેખિત પરીક્ષાની તારીખ ૧૯ એપ્રિલ ૨૦૨૬ (19/04/2026) નક્કી કરવામાં આવી છે, તેથી ઉમેદવારોએ સમયસર પોતાનો કોલ લેટર પ્રિન્ટ કરી લેવો હિતાવહ છે.
કોલ લેટર ડાઉનલોડ કરવા માટે ઉમેદવારોને તેમનો કન્ફર્મેશન નંબર અને જન્મ તારીખની જરૂર પડશે. પરીક્ષા કેન્દ્ર પર જતા પહેલા કોલ લેટરમાં આપેલી તમામ અગત્યની સૂચનાઓ ધ્યાનપૂર્વક વાંચી લેવી અને પરીક્ષાના દિવસે જરૂરી અસલ ઓળખપત્ર (આધારકાર્ડ, પાનકાર્ડ વગેરે) સાથે રાખવું ફરજિયાત છે. સર્વર પર ડાઉનલોડનું ભારણ વધે અને છેલ્લી ઘડીની ટેકનિકલ સમસ્યાઓ ઊભી થાય તે પહેલાં વહેલી તકે ડાઉનલોડ પ્રક્રિયા પૂર્ણ કરી લેવી.
