વસ્તી ગણતરી સેલ્ફ registration 2027

ભારત સરકાર દ્વારા આગામી વસ્તીગણતરી ૨૦૨૭ (Census 2027) ની પ્રક્રિયા ડિજિટલ માધ્યમથી શરૂ કરવામાં આવી રહી છે. આ અંતર્ગત દેશના તમામ નાગરિકોને ઘરે બેઠા જ પોતાની અને પોતાના પરિવારની વિગતો ઓનલાઈન સબમિટ કરવાની ખાસ સુવિધા આપવામાં આવી છે, જેને 'સ્વ-ગણના' (Self Enumeration) કહેવામાં આવે છે.

આ ઓનલાઈન પદ્ધતિનો મુખ્ય હેતુ વસ્તીગણતરીની પ્રક્રિયાને વધુ પારદર્શક, સરળ અને ઝડપી બનાવવાનો છે. જો તમે પણ ડિજિટલ માધ્યમનો ઉપયોગ કરીને તમારા પરિવારની વિગતો જાતે નોંધવા માંગતા હોવ, તો આ પોસ્ટમાં તેની સંપૂર્ણ વિગતવાર સ્ટેપ-બાય-સ્ટેપ માહિતી અને રજીસ્ટ્રેશન પ્રક્રિયા પછી કયો નંબર ખાસ સાચવવો તેની સંપૂર્ણ માહિતી દર્શાવવામાં આવી છે.

સ્વ-ગણના (Self-Registration) કેવી રીતે કરવું?

ઓનલાઈન સ્વ-ગણના કરવા માટે નીચે મુજબના સરળ સ્ટેપ્સ ફોલો કરવાના રહેશે:

• સ્ટેપ ૧: સૌપ્રથમ વસ્તીગણતરીના સત્તાવાર પોર્ટલ https://se.census.gov.in પર જાઓ.
• સ્ટેપ ૨: વેબસાઈટ પર તમારો ચાલુ મોબાઈલ નંબર દાખલ કરો અને ઓટીપી (OTP) મેળવો ઓપ્શન પર ક્લિક કરો.
• સ્ટેપ ૩: તમારા મોબાઈલ પર આવેલો OTP એન્ટર કરીને લોગઈન પ્રક્રિયા પૂર્ણ કરો.
• સ્ટેપ ૪: લોગઈન થયા બાદ, તમારા પરિવારના તમામ સભ્યોની માગેલી જરૂરી માહિતી (જેમ કે નામ, ઉંમર, અભ્યાસ, વ્યવસાય વગેરે) ધ્યાનપૂર્વક ભરો.
• સ્ટેપ ૫: બધી જ વિગતો બરાબર ચકાસી લીધા પછી ફોર્મને ફાઇનલ સબમિટ (Submit) કરો.

રજીસ્ટ્રેશન કર્યા પછી કયો નંબર સાચવવો?

જ્યારે તમે ઓનલાઈન સ્વ-ગણના (Self Enumeration) ની પ્રક્રિયા સફળતાપૂર્વક પૂર્ણ કરશો, ત્યારે સ્ક્રીન પર એક Reference Number (સંદર્ભ નંબર) અથવા Token Number જનરેટ થશે.

આ નંબર સાચવવો શા માટે જરૂરી છે?
જ્યારે વસ્તીગણતરીના સરકારી કર્મચારી (Enumerator) વેરિફિકેશન માટે તમારા ઘરે આવશે, ત્યારે તમારે તેમને માત્ર આ સંદર્ભ નંબર આપવાનો રહેશે. આ નંબર આપવાથી તેમણે ફરીથી તમારી વિગતો મેન્યુઅલી ભરવી નહીં પડે અને તમારી ઓનલાઈન નોંધણી સીધી જ કન્ફર્મ થઈ જશે.