મહિલા અને બાળ વિકાસ વિભાગ (WCD / ICDS), ગુજરાત સરકાર દ્વારા રાજ્યના તમામ જિલ્લાઓ અને શહેરી વિસ્તારોની આંગણવાડીઓમાં આંગણવાડી કાર્યકર (Anganwadi Worker) અને આંગણવાડી તેડાગર (Anganwadi Helper) ની માનદ સેવાની કુલ 6,843 જગ્યાઓ પર ભરતી માટે સત્તાવાર જાહેરાત પ્રસિદ્ધ કરવામાં આવી છે. સ્થાનિક મહિલા ઉમેદવારો માટે પોતાના વિસ્તારમાં સરકારી સેવા આપવાની આ એક ઉત્તમ તક છે.

આ ભરતી પ્રક્રિયા સંપૂર્ણપણે ઓનલાઇન પોર્ટલ દ્વારા હાથ ધરવામાં આવી રહી છે. યોગ્યતા ધરાવતા મહિલા ઉમેદવારો ગુજરાત સરકારના સત્તાવાર e-HRMS પોર્ટલ (e-hrms.gujarat.gov.in) પર જઈને ઓનલાઇન અરજી કરી શકે છે. અરજી કરવાની પ્રક્રિયા 21 સપ્ટેમ્બર 2026 થી શરૂ થઈ ચૂકી છે અને ઓનલાઇન ફોર્મ ભરીને કન્ફર્મ કરવાની છેલ્લી તારીખ 14 ઓક્ટોબર 2026 (રાત્રે 12:00 વાગ્યા સુધી) નક્કી કરવામાં આવી છે.

નીચે આપેલી માહિતીમાં શૈક્ષણિક લાયકાત, વય મર્યાદા, રહેવાસી માટેના નિયમો, મેરિટ ગણતરી પદ્ધતિ, જરૂરી ડોક્યુમેન્ટ્સ અને ઓનલાઇન અરજી કરવાની સંપૂર્ણ વિગત સરળ ભાષામાં દર્શાવેલ છે. તમામ મહિલા ઉમેદવારોએ અરજી કરતા પહેલાં આ વિગતો ખાસ વાંચી લેવી.

Gujarat Anganwadi Recruitment 2026-27 - મુખ્ય વિગતો

જગ્યાઓની વિગત (Post Vacancy Breakup)

પાત્રતા અને નિયમો (Eligibility Criteria)

1. શૈક્ષણિક લાયકાત (Educational Qualification):

• આંગણવાડી કાર્યકર: ધોરણ 12 (ઉચ્ચતર માધ્યમિક) પાસ હોવું જોઈએ. અથવા ધોરણ 10 પાસ કર્યા બાદ AICTE માન્યતા પ્રાપ્ત ઓછામાં ઓછો 2 વર્ષનો ડિપ્લોમા કોર્સ કરેલ હોવો જરૂરી છે.
• આંગણવાડી તેડાગર: ધોરણ 10 (એસ.એસ.સી.) પાસ હોવું ફરજિયાત છે.
• ઉચ્ચ શૈક્ષણિક લાયકાત ધરાવતી મહિલાઓ પણ અરજી કરી શકે છે, તેઓને નિયમાનુસાર મેરિટમાં વધારાના ગુણ મળશે.

2. સ્થાનિક રહેવાસી પાત્રતા (Local Residence Condition):

• અરજી કરનાર મહિલા સંબંધિત ગામ/વોર્ડની સ્થાનિક રહેવાસી હોવી ફરજિયાત છે અને ઓછામાં ઓછા 1 વર્ષથી ત્યાં રહેતી હોવી જોઈએ.
• ગ્રામ્ય વિસ્તાર માટે સંબંધિત મહેસૂલી ગામ અને શહેરી વિસ્તાર માટે સંબંધિત વોર્ડના રહેવાસી હોવું જરૂરી છે.
• મામલતદારશ્રી દ્વારા ઇશ્યુ કરાયેલ નિયત નમૂનાનું રહેઠાણનું પ્રમાણપત્ર (Residence Certificate) અપલોડ કરવાનું રહેશે. (પ્રમાણપત્ર જાહેરાત તારીખથી 6 મહિનાથી જૂનું ન હોવું જોઈએ).

3. વય મર્યાદા (Age Limit - as on 14/10/2026):

• ન્યૂનતમ વય: 18 વર્ષ
• મહત્તમ વય: 33 વર્ષ
• હાલ ફરજ બજાવતા આંગણવાડી તેડાગર (કાર્યકર માટે અરજી કરે તો): ઉપલી વયમર્યાદા 43 વર્ષ સુધી રહેશે.

પસંદગી પ્રક્રિયા અને મેરિટ ગણતરી (Selection Process)

• કોઈ પરીક્ષા નહીં: આ ભરતીમાં કોઈ પણ પ્રકારની લેખિત પરીક્ષા કે ઈન્ટરવ્યુ લેવામાં આવશે નહીં.
• ઓનલાઇન મેરિટ યાદી: ઉમેદવારે મેળવેલ શૈક્ષણિક ટકાવારી અને નિયત ગુણભારના આધારે ઓટોમેટિક સોફ્ટવેર દ્વારા મેરિટ લિસ્ટ બનશે.
• દરેક આંગણવાડી કેન્દ્ર વાઇઝ અલગ-અલગ મેરિટ યાદી બહાર પાડવામાં આવશે.
• વિધવા મહિલા ઉમેદવારોને નિયમાનુસાર મેરિટમાં વધારાના ગુણનો લાભ મળશે.

અરજી માટે જરૂરી દસ્તાવેજો (Required Documents)

• આધાર કાર્ડ / ઓળખપત્ર
• જન્મ તારીખનો પુરાવો (એલ.સી. અથવા જન્મનું પ્રમાણપત્ર)
• મામલતદારશ્રીનું સ્થાનિક રહેવાસી પ્રમાણપત્ર
• ધોરણ 10 ની માર્કશીટ અને બોર્ડ સર્ટિફિકેટ
• ધોરણ 12 ની માર્કશીટ અને સર્ટિફિકેટ (કાર્યકર માટે)
• ડિગ્રી / ડિપ્લોમા માર્કશીટ (જો હોય તો)
• જાતિનું પ્રમાણપત્ર (જો લાગુ પડતું હોય તો)
• વિધવા પ્રમાણપત્ર (જો લાગુ પડતું હોય તો)
• પાસપોર્ટ સાઇઝનો ફોટો અને સહી

ઓનલાઇન અરજી કેવી રીતે કરવી? (How to Apply Online)

1. સૌપ્રથમ ગુજરાત સરકારના e-HRMS પોર્ટલ e-hrms.gujarat.gov.in ની મુલાકાત લો.
2. હોમપેજ પર Recruitment / જાહેરાત વિભાગમાં જાઓ.
3. તમારા જિલ્લા/શહેરી ઘટકની આંગણવાડી કાર્યકર અને તેડાગર ભરતી 2026 ની જાહેરાત પસંદ કરો.
4. તમારું આંગણવાડી કેન્દ્ર અને પોસ્ટ પસંદ કરો.
5. તમામ વ્યક્તિગત, શૈક્ષણિક અને રહેઠાણની વિગતો સચોટ રીતે ભરો.
6. જરૂરી તમામ દસ્તાવેજો સ્પષ્ટ દેખાય તે રીતે સ્કેન કરીને અપલોડ કરો.
7. ફોર્મ સબમિટ કર્યા બાદ મળેલ કન્ફર્મેશન નંબર અને પ્રિન્ટઆઉટ સાચવી રાખો.

મહત્વપૂર્ણ લિંક્સ (Important Links)